Kawrdumbela
 |
| Mizo Thawnthu (Darchhawna) |
Lalpa, lalpa, i fanu Kawrdumbela i neihtir loh chuan ralin an that ang che, i khuate pawh an that vek ang,ti la, chutiang a zanthum i tih chuan a tha ang, a zanthumnaah in khaw daia sawntlung leh a velte feiin i chhun chik vek dawn nia,” ati ta ngawt mai a. Chumi hnu chuan Kawrdumbela chuan Vazunte chu a chhuah ta a, chumi hnu chuan Kawrdumbela chu thiltih tum nei ranin hmanhmawh takin a haw ta vang vang a. Vazunte in a hrilh ang chuan Kawrdumbela chuan tih a tum ta a. Zanlaiah Kawrdumbela chuan Vazunte sawi nag khan Lal kawmchhakah a kal a, a aw a ti dangl ama, thum chher chhur, rap awm deuh tak hian,
Lalpa, Lalpa, i fanu Kawrdumbela i neihtir loh chuan ralin an that ang che, i khuate pawh an that vek ang,a ti ta chher chher mai a. Lal chuan a hriat hmasak ber tum chuan a tak tak a nih pawh a ring lo va. Nimahse,a zanhnih zanthum laia zawna ahriat tak avangin a hlau ril ru ta hle mai a, a u pate chu a ko khawm a ral an hnaih leh hnaih loh te en thli rthlai a, dai vel fang turin a ti a. Lalpa upate hnenah chuan ral an hnaih thu l eh a fei chhunna hnute an hmuh thu an hrilh ta a. Ral an hnaih hlein an ring a. Lal chuan zan lama a thil hriat thinte avang chuan a hlau zual a, a upate thil hrilh avangin ral an hnai hlein a ring bawk a. Nimahse, a fanu hmeltha em em mai, an khaw tlangval zinga hmelchhe ber han neihtir ngawt mai chu a ngai ngam ngamg si lo va. An chhungkua mang thak mai a hlau bawk nen, a inngaihtuah nas a ta mai a; a indawm kun reng thin a. A tawp a tawpah chuan a fanu chu a ko va, C hemte, i pa leh kan khua leh tuite zawng zawng chan vek nge i duh a, Kawrdumbela neih a i pa leh a khua leh tuite chan loh, a ti ta ngawt mai a. Lal fanu chuan thlan tur zawk pawh a hre ta mang lo va, a inngaihtuah nasa mai a. Kawrdumbela han neih ngawt mai chu hreh tak tein a hreh a. Kawrdumbela neih ai chuan thih daite pawh a duh rum rum a, an khaw tlangval zawnga hmelchhe ber mai han neih chu a ngai ngam ngang lo va, rei tak chhung a inngaihtuah a, Kawrdumbela hmelchhiat chu thu dang, a aia duh zawk tlangval dang a nei teuh bawk nen, Kawrdumbela a neih loh chuan a pa leh an khua leh tuite chu a chan vek dawn bawk si. A tawp a tawp ah chuan Kawrdumbela neih chu a thlang ta a, tichuan hreh tak chungin a nei ta nge nge a. Kawrdumbela chuan lal fanu a nei ta chu a lawmin a intithei hle a, lal fanu lah a hmeltha si, englai pawha a nupui bula tap rawt chu a duh a, nimahsela, a nupui chuan a haw em em thung a, a kianga awmte hi a ningin awm bo san dan mawlh a ngaihtuah thin a. Kawrdumbela hmel a hmuh nin em avangin tul hlei lovah te hian an in lamah rei deuh deuh a leng thin a, Hawng tawh rawh, em em a che, mite ngaih atan pawh a mawi lo ve, tiin a leng chu a nu leh paten an tir haw thin a. Kawrdumbela lah chuan a nupui chu a thlahlel em em reng a, khawi kipah pawh a nupui duh lo chung chung chu a zui duan duan reng a.... Tukkhat chu Kawrdumbela chuan, I pa len va hawh la, luiah sangha ka zu man a nge, Sangha eite pawh a khat a lawm le, a ti a. Lal fanu chu len hawh tur chu an a kal ta a. Kawrdumbela a hmuh nin em avangin rei tak a leng a, a pain, Va haw thuai thuai rawh,, a tih pawhin a haw mai duh lo va, vawihnih vawithum a pain haw tur a atih hnuah chuan hreh tak chungin a haw ve ta hram a. A len hawh chu Kaw rdumbela chu a pek pahin, Kha, rei deuh zuk deng ang che a ti bak hlar a. Kawrdumbela chuan nui sung chung hian a nupuiiin len chhuat laia a thehhlawm chu a la a, faifuk rut rut chungin a chhuak ta a. Kawrdumbela chuan lui a thlen chuan len chu a han deng ta a le!! a rin leh beisei loh deuh maiin Nghahngiai hi a man ta hlauh mai a, a Nghangiai man chu a rawn tawng ta reuh a!! Nghangiai chuan, “Min chhuah rawh khai, i taka tha tur k a hrilh ang che,” a ti ta mai a. Kawrdumbela chuan mak ti ang reng tak chung hian, “Min hrilh ta che,” a ti a. Nghangiai chuan, “Zuk inbual la, lung mamin innawt la, a tha ng e, tichuan i lo hmeltha tawh dawn nia,” a ti a. Kawrdumbela chuan Nghangiai sawi ang chuan a inbual ta a, lung mamin a inngawt sauh sauh a, a inbual zawh chuan a vunte chu a lo mam thain a lo ngo ta vung mai a, a hmelte chu a tha ta em em a. Lungawi takin a hawng ta a. In a han thleng chu le, a nupui chuan tunge a nih a lo hre mai lo va, “ Mi pa hmeltha tak tak te hi kan hmu kan hmu a, kan hmel chhepa kha a ranw haw leh awm si a, a hmel ka hmu ning a nia,” a lo ti a. Keimah h i Kawrdumbela chu ka ni a lawm, a ti ta mai a. A nupui mak ti leh lawm chu a thid ang lo chauh va, a pasal a lo hmeltha ta em em mai chu a lawm ta hle a, a hmanga ih thar ta thut a. A pate len a hawh chu pek mai nachang pawh a hre ta lo va. Kawrdumbela k iangah chuan a tawlh ta heuh heuh mai a. Kawrdumbela chuan, “I pate len i hawh hi va pe tawh ta che, an lo hmang ve duh a nge,” a ti a. Hmanhmawh bak lengin a len h awh chu a va pe ta a. In chhungah pawh lut lo hian kawngka atangin a len hawh chu thehluh thuai pahin, “Kha in len”, tiin rang takin an in lamah chuan a tlan haw leh ta a. Lungawi em em hian Kawrdumbela bulah chuan a nui her her reng a. Chuti taka ranga a haw leh ta mai chu a pa chuan mak a ti hle a, “Chemtei khawsak phung chu a va dang ta ve, ni danga a len rei thin tehlul nen, a haw duh lo kha tirh haw a ngai thin a ni si a,” ti rilru chungin a va bihthla ta hial a. Kawrdumbela chu a lo ngovin a lo hmeltha ta em em mai hi a lo ni a, mak a ti ta hle a. Kawrdumbela hnenah chuan, “Engtinnge heti taka i lo hmelthat tak mai chu le?” tiin a zawt ta a. Kawrdumbela chuan, “Luiah ka zuk kal a, Nghangiai ka man a, min chhuah la i thatna tur ka hrilh ang che, a ti a, min hrilh ang chuan ka ti mai a, ti hian ka lo amw ta mai a ni,” tiin a thil tawn zawng zawng te chu a hrilh ta vek a.
Lalpa chuan Kawrdumbela anga hmelthat ve chu a duh ta a, luiah chuan a k al ve ta a. Len chu a han deng ve ta a, Nghahrah hi aman ta hlauh mai a. Nghahrah chuan, “Min chhuah la i thatna tur ka hrilh ang che,” a lo ti ve a. Lal chuan, “Han sawi teh le,” a ti a. Nghahrah chuan, “Zu inbual la, lung chik deuhin i innawt chiam dawn nia, ti chuan i lo tha em em mai ang,” a ti a. Lal chu a inbual ta a. Lung chikin a innawt ta vak a, a innawt pilh ta pheng phung mai a. A chik ta hrep hrup mai a, ahmel te chu a lo chhe ta vek mai a!! A hmu apiangin Lalpa chu an hlau ta a, a ni lah chu a innawh nasat avang khan a pilh sen, pawr pheng phung mai si a, hrehawm a ti ta hle a. Mite chuan a hmelchhiat tak em em nachhan chu an zawt luai luai reng a. Lal chuan Kawrdumbela a mawhchhiat thung a. “Kawrdumbela sawi angin luiah ka zuk kal a, Nghahrah hi ka man a, Nghahrah chuan , inbual la lung chikin in nawt rawh min ti a. A sawi ang chuan ak ti ta a, tihian ka lo awm ta ani,” a ti a. Lungawi lo hle mahse tihngaihna dang vak hre chuang hek lo. Lal hmelchhe tak niin a hun a hmang ta a ni.
A Tawp Ta...
Thulakna: Zofa Run
Get notifications from this blog
I Ngaihdan Leh I Comment Hnutchhiah Te Kan Ngai Pawimawh A Ni.