Hmanlai hian Chawngchilhi leh a nau hmeichhia hi an pahnihin an lo-ah buh vengin an feh thin a. An buh hmin hmasa te chu savain a ei thin a, chu chu hnawt bova an buh veng him turin an feh thin a ni. An pa, anmahni thatna tura duhsak em em thintu chuan, chutia hna tha tak an thawh thin avang chuan, nitin an chhun chaw tur tui tak a fun sak thin a. Chutia chaw tui an fun thin chung chuan a nau zawk chu a cher tial tial ta mai a, chutia a lo cher tak em avang chuan, amah duat em em tu a pa chuan a lo vei ta hle mai a, ni khat chu a pa chuan eng vanga lo cher ta tial tial nge a nih tih a zawt ta phawng mai a. Nimahsela, thu dik tak a sawi ngam si lo va, zak chung chungin a pa hnenah chuan, "Ka sawi chuan ka u-in min vaw nek dawn tih ka hria a, ka sawi ngam lo a ni," a ti a. A pa chuan a ngai pawimawh ta hle mai a, thu dik tak chu enganga duhawm lo pawh nise sawi tur chuan a fanu chu a phutlui ta tlat mai a. Zak tak leh inthlahrung tak chung chuan thil awmzia chu a pa a hrilh ta a. "Ka u chu Rulpui nen an inngaizawng a, chhunah hian ka koh sak thin a, rulpui nen chuan inkawmin saruak veka awmin a inngaihtur thin a, Rulpui chu ka hlauh em avangin chhunah chaw ka ei ve ngam lo va, ka lo cher ta a ni," tiin a pa chu a hrilh ta vek a.
A pa chu a thinrimin a mangang ta hle mai a, amah ngei chu Chawngchilhi nau hruai chuan lo-ah feh a tum ta a, thiltih dan tur a ruahman lawk diam a. Lo an thlen chuan tunhmaa Chawngchilhin Rulpui nena awm dun a duh hun apianga a kohsak thin angin a pa chuan a han kohtir ta a.
"Aw, Chawngchilhi lungdi,tiin a han ko ta a. Chawngchilhi nau aw a hriat veleh chuan rang takin a lo chhawn a; a hmangaih thu hetiang hian hlain a rawn chham a:-
Ka nuin lo kal turin a ngen a che,
Ka pain lo kal turin a nge a che,"
"Ka lo kal thuai dawn e,Tichuan Rulpui chu induh takin lo atang chuan a lo tleng chhuak ta a. Chawngchilhi rawn kawm a, induh tawn taka awm dun leh tura lo kal chu, a beisei loh takin Chawngchilhi aiah a pa a lo lang ta thut mai a, Rulpui chu a laiah a chhawk ta hmawk mai a. A nauvin a sawi chu a lo dik vek a ni tih a hriatin a thinrim leh zual a, rang takin inah a haw ta a, ama fanu ngei Chawngchilhi pawh chu a that ve ta nghal a.
Mawi takin ka sam ka khuih mek e,
Nalh takin ka diar ka khim mek e,
I tangnemah thi ang dera bei turin."
Chawngchilhi chuan Rulpui fa chu a lo pai tawh in, hrin hun tep a lo ni tawh a, chutia a han thih takah chuan rul no te te tam tak an lo chhuak a, ram lam panin an tleng ta hlawm a. An pa chuan that chimit vek tumin theihtawp a chhuah a, pakhat chauh tih loh a dang zawng chu a that ta vek a, a thah bang pakhat chu a lo thang lian a, mihring a ei fo mai a. Chu rul chuan tawmna puk bik a nei a, chu chu Rulchawm kua an ti a, tun thlengin hmuh theihin a la awm.
 |
| Chawngchilhi Puk |
 |
| Rulchawm Kua: By ner_luv |
(Tuna Keifang leh Ruallung inkarah khian a awm a, a awmna hmunah chuan khaw thar din a ni a, he rulchawm hming chawi hian 'Rulchawm khua' tih a ni nghe nghe).
Thulakna: Mizo Thawnthu (Darchhawna)
1 comments:
Write commentsHetiang mizo thawnthu poimawh lutuk chhiar theih mai a min lo chhop chhuah sak hi k van lawm ve.
ReplyI Ngaihdan Leh I Comment Hnutchhiah Te Kan Ngai Pawimawh A Ni. EmoticonEmoticon