Khaw pakhatah hian pasaltha huaisen leh sa kap thei deuh mai, Khualtungamtawna (Hualtungamtawna) an tih hi a awm a, tlangval hmeltha leh sa kap thei tak mai a nih avangin a hmin gpawh a thang nasa hle a. Sa a kah theih em avangin aan bang laiahte chuan sa hrang lu chi hrang hrang Sakei lu te, tumpang lu te an tar khat luk a, an sumhmun bangte chu sa lu hlirin a khat lek luk tawh bawk a. Miropui l eh hmingtha a nih avangin mite pawhin an sawi luai luai thin a ni.
An khaw thenawm lawkah hian Keimi khua a awm a an lalpa chuan fanu hmel tha tak mai Keimingi a nei a. Keimingi chuan nuta pahnih a nei a, Keimingite chu Keimi an nih avangin Keiming pate chuan an khaw thenawm tlangval Khualtungamtaw na n an unau sakei a kap fo thin tih an hriatin, Khualtungamtawna chu an haw riau a, tih hlum an duh a, hun remchang tha tak erawh an hmu hlei thei lo va. Chutian g a hun remchang an dap ruk reng lai chuan an khuaah Khualtungamtawna chu a rawn zin ta hlauh mai a.
Keimingite khuaa Khualtungamtawna rawn kal lai takin Keimingi chuan an tualah thing hi a lo ek kar kar a. Keimingi thing ek chu Khualtungamtawna chuan ahmu a, hmeltha a ti ta hle mai a, a thleninte hnenah chuan, “Khi laia thing ek k hi tunge maw ni le, a hmel a van tha kher em ve le!!” an ti a. Khualtungamtawna chu a innghat sawk sawk a, a inphih fai a, Keimingi rim tur chuan a thawk chhuak ta a. Keimingi nen chuan an hmingte an inhrilh tawn a. Keimingi thing eh laite chu a eh pui ve ta a, thing eh tur ang angte an eh zawh hnu chuan in chhung lama h chuan an inzui lut dun ta a. Keimingi thingpui lumte chu tui ti taka a inzawh hnuchuan a thlenin lamah a haw leh ta a.
Khualtungamtawna chuan Keimingi chu a ngaizawng ta riau a, neih atan a duh ta hial a, Keimingi chu a rim ta tlut tlut a, nupui a tan a be ta hial a. Keimingi pate chuan Khualtungamtawna thah theihna tur a nih beiseiin an lo remti ve mai a. Ropui takin an innei ta a. Ropui taka innei e ti lo chuan an inneih tirh phat atangin rilru lamah an indo nghal a, inrunluih reng rengin hun an hmang dun ta nghal a.
Tukkhat chu Keimingi leh Khualtungamtawna tlangval fa. Chemtei hian thing an phur a, thing an fawm ngah hnu chuan, Keimingi chuan nun chan han zir vel pah a, Chemtei seh chu a chak ta tlat mai a. Chemtei hnenah chuan, “Chemte tikhan lo awm la, nun chan kan zir vel teh ang,” a ti a. Chemtei chuan mak ti rilru tak ch ungin, I duh leh han zir vel ta la ti nia, a ti a. Keimingi chu a thlang kawrruamah chuan a zu kal a, sakeiah a chang a, a lim kual vel ta a. An bul mai a sakhi tla lai chu a seh a, a ei ta bawrh bawrh mai a. Chemtei chuan mak a tiin a hlau ta hle mai a, bak lengin a tlan haw ta a. A pa hnenah chuan a nu chanchin chu a hrilh ta a. A nu thar chu a hlauvin a tih em em a, a hrisel loh phah ta hial a. Vawikhat chu Khualtungamtawna chuan Vawk ka talh dawn e, lo zin rawh u khai tiin Keimingi nutate pahnih chu a chah ta a. Keimingi nutate pahnih chu phur takin Khualtungamtawna te khuaah chuan an lo zin ve ta a. Khualtungamtawna in chu an han thleng a, banglaia sakei lu lo intar beng bung maite chu an han hmuh chuan an khawngaih ta hle mai a, Khualtungamtawna chungah chuan an thinrim zual a. Phuba lak dan mawlh a ngaihtuah ta a.
Zanah chuan an han mu ta a. Keimingi leh Khualtungamtawna chu tui takin an muhil bawrh bawrh a. An mikhual tlangvalte erawh chuan zanlaiah banglaia sakei lu intar chu an tah ta a. Ka u aw nger ngur,
I dam laia ramsa i hawl a;an ti an ti ta mai a!! Chemtei chuan an mikhualte tap thawm chu a lo hria a, a h lau ta hle mai a, a pa lah chu tui takin a muhil bawk si a. An seh mai ang tih a hlauva, a pa mutui lai chu a au ta vak a, Ka pa, ka pa, a han ti a. A pa chuan mut chhuak aw takin, “Eng nge ni Chemte?” a ti a. Chemtei chuan, “Ka pa, ka zun a chhuak, min va zun pui,” a ti a. Khualtungamtawna chuan, “Nangmahin va zung mai tawh,” ati a. Mahse Chemtei chuan, “Ka ngam lo, ka hlau, min va hruai rawh,” a ti tlat a. Khualtu ngamtawna chuan zan dang pawha a fanuin a tibuai ngai si lo va, zanin khera a ti buai chu mak pawh a ti rilru ta deuh a, a fanu chu pawnah chuan a va zunpui ta a .
I thih hnua laibang i mawi le,
Ka u aw nger ngur
Thing thu aw tlum zuk,
Khualtungamtawna seh nan.
Pawn an thleng veleh Chemtei chuan an mikhualte tah dan, Ka u aw nger ng ur... seh nan an tih chu a hrilh ta vek a, Khualtungamtawna chuan, “A lo nih tak c hu le,” a ti a. Inchhung an luh leh hnu chuan mu leh ta mai lovin an pafa chuan mei an chhem a, ditip a sazu awm hlei lo chu, “Khi pawh, khi pawh,” an ti a, an perh an perh ta mai a!! An mikhualte chuan, “Nangni pafa chu eng inti nge? Zan lai laiah te,” atn ti a. Khualtungamtawna chuan, “Eng ti love, kantih dan thin ve reng a nia,” ati mai a. Tichuan an mikhualte chuan Khualtungamtawna chu an seh thei ta lo va .
A tuk khua a lo var chuan Khualtungamtawna chuan, “Nangni tlangval zuan za ngah, inhnuaiah vawk khu zu luh chhuak tawh u,” a ti a. Khualtungamtawna chuan lei kapui atangin alo chang a, Keimingi nuta te chuan Khualtungamtawna seh pah rem chan beiseiin sakeiah an chang a, inhnuai vawk te chu huk chungin an um kawi ta zawr zawr mai a. Chu veleh Khualtungamtawna chuan rang zet zetin an zak dawhah a thalin a lo kap ta chat chat mai a. Keimingi nuta te chu a thah sak ve ve ta der a. Keimingi chu a thinrim hle mai a, a nutate Khualtungamtawna’n a thahsak tak avangin phuba lak dan tur mawlh a ngaihtuah ve ta a.
Khualtungamtawna chuan Keimingi’n phuba lak dan tur mawlh a ngaihtuah a ni tih chu a hre reng a, a theih tawpin a inveng ru ve ran a. Keimingi chuan Khual tungamtawna tihhlum dan tur chu a thupui ber a ni a. A raino ve ta a, a rainona hmang chuan a pasal chu tih hlum dan tur a ngiahtuah a. Khualtungamtawna chuan K eimingi’n ei ka chak a tih apiang chu harsa tak pawh nise a tihsak zel a. Vawikhat chu Khualtungamtawna chuan, “Keiming, i duh duh sawi rawh, ka tihsak zel ang che,” a ti a. Keimingi chuan hmar a nghalphusen sa a ei chak thu leh a ngho sei tha tak a duh thu a sawi a, Khualtungamtawna chua lak a tum ta a.
Tichuan, nghalphusen pel tur chuan Khualtungamtawna leh a ui chu an chhu ak dun ta a. Nghalphusen tlatna rama thing zawng zawng chu a dawi khawm vek a, dawithiam tak mai hi a ni ve reng a. Chutia thing zawng zawng a dawi khawm vek hnu chuan chang hi an tum raih a, chu ve leh nghalphusen rual hi an rawn chhuak ta duah duah a, Khualtungamtawna chuan thing hrang hrang a tlan lawn pahin a thla chuan a lo kap thlu hmiah hmiah a.
Nghalphusen ho chu a kap hlum deuh vek tawh a, Nghalphusen lian leh nghao sei em em mai nei, a nghao ringawt pawh themtleng chen vel a sei, a pikhawi an tih hi a la kaphlum ve lo va. Nghalphusen lianpui mai chu a rawn chhuak ta ruau ruau mai a, a hma zawna Khualtungamtawna thal rawn kahte chu a nghao chuan a lo khak leng zung zung a. Khualtungamtawna nen chuan an in bei tawk hle mai a. Khualtungamtawna chuan a hliam nasa hlet tawh na a, nghalphusen danglam bik a nih avangin a hnuk pawh a fei hel a, a thi lawk thei lo va. Chutia an inbeihna lamah chuan Khualtungamtawna chu thing hrang hrangah a per kai zung zung a, phuanberh i a lo dawi hmaih hlauh mai a, phuanberh kunga an per kai chu a dawi ta lo va, a tliak ta hmawk mai a, khualtungamtawna chu a tla ta a, a tlakna lamah chuan a i nsawh na ta hlauh maia, a thi dawn ta mai a!!.
A ui hnenha chuan, “Va zualko ta la, ka ruang zawn turin mi tam tak an lo kal ang a, thing lian pui pui ten min zawn an tum ang a; mahse min dawl lo vin a tliak zel ang, diin min zawn rawh se. Kawngkaah min luhpui an tum ang a, an thei lovang a, i kawngkaah min luhpui se la a tha ang. In chhunga in luh hunah hmun phiah kha thut bet tlat ang che. Keimingi’n hmun phiah a tum ang a, Ui cho ui a han ti ang che ang a, a kaiza tha chhat ang che,” a ti a. Tichuan, Khualtungamtawna ui chu zualko tur chuan a kal ta a. Tawng thei hek lo le, chetphungin thil awmzia chu a va lan tir ta a. Mite chuan, A pu tel lovin a lo haw ngai si lo va, a pu in tawh sual a tawk a ni ang, anti a. Ui chu an zui ve ta a. Khualtungamtawna thihna hmunah chuan mi tam tak an lo kalkhawm ta a. Mite chuan thing azawn an h an tum ta a, an kalpui tan dawn chauh tihin thing chu a tliak leh mai thin a!! Ui chuan a pu ruang chungah chuan di hi a dah thin a, hlang an siam laite chuan hlang chungah chuan di a rawn dah thin a. A tawp a tawpah chuan Ui hian eng emaw tak a hria a ni ang, ti ru diin i zawn teh reng ang u an ti a. Di an lakhawm a, di hmang chuan hlang an siam a, thing chungah di an chap darh a, an rem leh a Khualtungamtawna chu an han zawn leh ta a, tluang takin an zawn haw thei ta a. In an han thleng a, inchhunga luhpui an han tum a, kawngkaah chuan a leng thei ta tlat lo mai a. Engtin tin emaw luhpui hram an han tum pawhin a leng thei ta ngang bawk si lo va, an mangang ta hle mai a. Chutia kawngkaa luhpui tuma an buai vel lai chuan a ui chuan chik nghar nghar chungin ama kawngka lamah chuan luhpui tur a ni e ti ni ve awm tak hian a lutin a chhuak sek a. Mite chuan, “Ui hian eng emaw tak hriat a nei a ni ang,” an ti a. Tichuan, Khualtungamtawna ruang chu ui kawngkaah chuan luhpui an han tum chhin a, an han rawlh a, awlsam takin an luhpui thei ta mai a!! Khualtungamtawna ruang chu Keimingi chuan ui awm takin a tah a tah a, pawiti awm tak leh tuar awm takin a awm der vel a, a rilru tak erawh chuan a lawm hle a, phuba la taah a inngai a, a thaw pawh a veng ru hle zawk a. Mi hmuha mawi hawih atan a tap der vel a. Mi an tlem deuh lai chuan hmun hnawk hawl fai tumin hmunphiah a awng ruai ruai a. Hmunphiah chu uiin a lo thut bet tlat a, hmunphiah lak pah chuan, “Ui, i hnawk e,” a han ti a, a han chhir zawt bawk a. Ui chu a bel euh tuar a, thawh pahin Keimingi kaihza tha chu a han chhat thawt a, a tlanbo ta nghal a. Chutia uiin a kaihza tha a chhak sak tak avang chuan Keimingi chu ramruilei lovin a awm ta a, dampawh nuam ti lovin a dam lai hun chu a hmang ta a, rei pawh dam lovin a thi ve ta a. Khualtungamtawna ruang chu ama duh ang ngeiin hnahkiah bulah an phum ta a. Khualtungamtawna ui chu Chinghnia hi a ni a, chinghnia chuan sa a seh apiang in a pu thlana hnahkiah bulah chuan a thin leh a lung a dah ziah thin a. Tun thleng hian Chinghniate hian sa seh an neih phawt chuan hnahkiah bulah a thin leh a lung an dah ziah thin e, an ti.
Thulakna: Zofa Run/12/2/2005
I Ngaihdan Leh I Comment Hnutchhiah Te Kan Ngai Pawimawh A Ni. EmoticonEmoticon