Hun inherchhuak tawh zinga, hun zalen ber leh changkang ber (Post-Modern) chuan hei hi a dik ber tih dan chu a rawn sawi thiat a. Katih ve dan tih leh a dik ber a awm tawh lo tih dan a rawn hring chhuak ta a ni. He ngaihdan hian kan nu leh pa, pi leh put te nun danah hun dangte thlirin danglamna a nei lem lo a ni thei e. Mahse, thalai te nundanah erawh sawi thiam hleihtheih loh khawpin, danglamna a thlen a. Incheina kawngah ngat phei chuan hengte hi a ni incheina tluantling chu tih sawi theih a har ta hle. Kan rilru put dan a zir in kan neih a piang hi incheina a tling thei awm e. Heng boruak min chim vel tu lak atang hian nitin kan nun kawngah mimal tin te inchei dan kan thiam theih nan kan thupui “Thalai te inchei dan leh Kristian nun” tih famkim lo taka ka rawn sawi hian hmasawnna minpek theih ngei ka beisei. Incheina tamtak zingah a tlangpui deuh deuh chi-4 chauh sawi ka duh a.
1. Silh leh Fen
Tunlai khawvelah hian thalai te leh tleirawl te zingah chauh pawh ni lovin, mihring nuna thil pawimawh ber te zingah fashion hi a lar tawh hle a. Fashion Industry chu khawvel a sumdawn na thang chak ber te zinga mi ani. A in thlak chak em em a, an duh duh in min chawk let a, a kap chhing leh fual, a tlang arh leh zuih, a thawl leh a tawt, a tawngchham leh a khuh thui chite thlengin an duh duh hunah min hak tir a. Fashion bawihah min tan tir a ni ber e. Tum vang reng pawh ni lova, silh leh fen neih teuh mai chu awl tak a ni. Silh leh fen hmanga inchei hi thalai te leh tleirawl te mai bakah naupangte thlengin kan lawmin kan hlim pui em em a. Kan nun tihlimtu pakhat a tling a ni. Mahse, chutia kan sawi lai mek chuan a mawina leh inhmeh zawng aiin a maksak leh dangdai kan buai pui a, taksa khuh kim thei aiin taksa pianhmang langtlang vek thei khawpa pan leh tawt, tisa chakna chawktho thei leh ngaihtuahna hruaisual thei thawmhnaw kan in tihhmuh tial tial niin a lang. Thalaite hian kan hmuh leh kan hriatphak china thil thlengte hi, nun siamthat nan leh fin phat nana hmang lovin, a thalo pawh a that loh nan ang anga zui ve mai hi kan thlang zawk ta niin a lang. Thalaite hi fing taka awm tur kan ni a. Pathianin a tha leh thalo hriat theihna min pe a, chutah chuan a thalam zel thlang turin min duh a ni.
Incheina hian mimal mizia leh nungchang mai ni lovin, hnam ziarang leh sakhua thlengin a tar lang. Sakhua dang bia (Other Faith) te hi han en ila, Mosolman-te chu an thawmhnaw leh an lukhum atangin a hriat a, Hindu te lah an banbun leh an zungbun te atangin; Juda-te lah an sakhua lukhum khum deuh chawt anni a. Chutiang zelin heng Mosolman (Islam) te, Hindu-te, Juda-te hi chu an in thuamna hian an hnam leh an sakhuana atarlangin, a hrilhfiah tha em em a. An thawmhnaw inbel dan chuan an hnam leh sakhua atarlan mai bakah hnam leh sakhua zahawm takah a siam ani. Kristiante hi han inen ila, kan incheidan hian kan sakhuana a ti zahawm ve em? Thalaite silh leh fen inbelh kawngah miten ni lovin mahni ngei inzawh hi atang kai dawn ani. Silh leh fen chungchangah hian a thui dante, atun lai leh tunlai lote aiin, eng rilru puin nge kan inchei? tih hi a pawimawh lai ber ani. Khawvel mite chu engang pawhin inchei mahse, ringtute chu midangte dinhmu enchunga uar lutuk lo, mawlfel taka incheihi kanin hmeh zawk a ni. Kohhran leh sawkhua thila punkhawmna hmunah phei chuan kan incheina (chapo tak) avanga miten telve an chak loh phah a nih chuan Pathian hmuhah mite nek cheptu kanni thei mailo maw?
Miten hetiang hian an sawi a “Mizoramah chuan Tattoo avangin zirna leh eizawnna thlenga harsatna tawk leh sipaia tangtum thalai tamtak chu, tattoo avangin hnawl anni a. Sawrkar hna chi hrang hrang diltute zingah pawh tattoo inchhu kai reng reng chu anla ngailo” anti. Hengte atang hian tattoo hian eibar zawnna a ping bakah mimal zahawmna mai nilovin sakhuana thleng pawh hian ati bawrhbang thei ani.
Thenkhat phai hi chuan an ngun zawk an rawn beh tamai emaw tih tura bialpup mai rawn beh te, hmun khat mai duhtawk lova, hmun hnih hmun thuma bengbeh beh tlar maite zu awma! “Hmeichhe mawi duhin khawvawt anhre lova, mipa nalh duh in khawlum an hre lo” an tih ang deuh in nalhtum reng rengin kan buai a ni ber mai.
Ziaktu pakhat chuan, “Mi chu a inchei duh dan atangin a nungchang a hriat theih. Rilru puitling, thil duhulukmi chu incheina tlawm leh a inhmeh zawng a thlan dan atangin a hriat a. Incheina tluangtlam, thianghlim leh zahawm tak chuan nula chu boruak reh tak leh fianrial tak, chhiattheihna tam tak awmtheihna hmunah pawh aveng dawn a ni” tiin a sawi. A pawimawh ber ta chu incheina bawiha tan loh hi a ni.
2. Tattoo
Thalaiten kan ngaihsan zaithiam leh lemchanthiamte nundan kan entawn thalo tak chu taksa ziahrang (Tattoo) chhut hi a ni. Bible-in a phal loh (Leviticus. 19:28), nungchang thalo leh sual nen a inkung kaih tlat a ngaih, natna hlauhawm inkai chhawn theiha ngaih bawk, tattoo hi kan zingah awmzia hre lova lo chhutkai tirve tamai an awm thin a,a pawi hle. Mithen khat phei chuan an taksa a bialnu / bialpa te hming lo chhut kaitir ta mai te, ngum leh hnutea milem tul lo zet zet lo chhut kaitir nula pawh kan chheh velah hmuh tur an awm teuh mai a, kanzing ngei ah pawh an awm lovang tih a sawi theih ta lo. Tirhkoh Paula chuan, “Tuna chinah chuan tumah in miti buai tawh suh se, ka taksa ah hian Isua chhinchhiatna te kapu sia” tiin a sawi (Galatia. 6:17). Kan taksaah Lal Isua chhinchhiatna nilo chhinchhiatna dang reng reng kansiam a nih chuan Pathian hmaah kan la zahpui anga, tihngaihna a awm tawh si lovang.Miten hetiang hian an sawi a “Mizoramah chuan Tattoo avangin zirna leh eizawnna thlenga harsatna tawk leh sipaia tangtum thalai tamtak chu, tattoo avangin hnawl anni a. Sawrkar hna chi hrang hrang diltute zingah pawh tattoo inchhu kai reng reng chu anla ngailo” anti. Hengte atang hian tattoo hian eibar zawnna a ping bakah mimal zahawmna mai nilovin sakhuana thleng pawh hian ati bawrhbang thei ani.
3. Bengbeh leh Ngun
Heng thilte hi pi leh pu-te hun atanga kan chin thin a ni a, hmeichhe incheina a ni. Tunlaiah mipa then khat bengbeh beh ve ringawt antam ta hle a, Kohhran leh sakhuana in a thunun vak lohte anni tlang pui. Sakhua leh hnam incheina atana miin a hmang chu sawisel theih a ni lova, lo tih veleh ringawt mai chu a lepchiah hna khawp mai.Thenkhat phai hi chuan an ngun zawk an rawn beh tamai emaw tih tura bialpup mai rawn beh te, hmun khat mai duhtawk lova, hmun hnih hmun thuma bengbeh beh tlar maite zu awma! “Hmeichhe mawi duhin khawvawt anhre lova, mipa nalh duh in khawlum an hre lo” an tih ang deuh in nalhtum reng rengin kan buai a ni ber mai.
4. Tluangtlam Taka Inchei
Fashion hi inthlak reng mahse incheina tluangtlam leh mawitawk, danglam ve zen zen lo hi a awm. Thenkhat te inchei luatah a hun leh hmun pawh ngaihtuah lo khawpa kan inchei laiin thenkhat te vethung chuan kan hnathawhna thawmhnaw chu Biak In chhung tak ngialah pawh kan halut zel maia. Incheina bik kannei lo a nih chuan tute mah hi kanin sawisel theilo anga. Mahse, khawlaia hakchi thawmhnaw neitha viau si, inkhawmna (Biak In)-a haktur kannei tha leh silo hi chu a tha lo hle a ni. Rengpuii chuan, “Mi dang thawmhnaw hak ching suh. Eng hri nge i kai dawn pawh i hre si lova. Tin, a mawilo hrim hrim. Mi pawlawh tihdan a ni. Mahni neih phakbakin inchei suh. Thinlung thianghlim hi incheina thaber a ni zawk” tiin a lo ziak a, a dik hle. Mite khĂ»ma incheina kan inbel hian chapona thinlung a lo piangchhuak sam nge nge a, kan neihin a lo tling anih pawhin kan thinlung veng hneh lo khawpa thawmhnaw inbel hi chin tam loh a tha hle. Mi tamtak chuan fashion tlanchak lutuk hi kan um phalo, kan neih ang ang chu fai taka siam thin leh nawhmamte peih ila, uluk takin enkawl taima ila a tha.Ziaktu pakhat chuan, “Mi chu a inchei duh dan atangin a nungchang a hriat theih. Rilru puitling, thil duhulukmi chu incheina tlawm leh a inhmeh zawng a thlan dan atangin a hriat a. Incheina tluangtlam, thianghlim leh zahawm tak chuan nula chu boruak reh tak leh fianrial tak, chhiattheihna tam tak awmtheihna hmunah pawh aveng dawn a ni” tiin a sawi. A pawimawh ber ta chu incheina bawiha tan loh hi a ni.
Tlangkawmna
Heng incheina kan tarlang te bakah, incheina a ngaihtheih tamtak a awm a, kan sawiseng lo. Tunlai thangthar nun kan thlirin incheina hian chhungkaw tinah harsatna leh buaina min thlen mak a ni. Thalai tamtak te chu mahni inchhung dinhmun hrelo leh thawhchhuah nei silo hian chhungte thawhchhuahsa nasa takin kan rawk a, chhungte timangangtu leh tibeidawngtu kan tam ta hle. Kan neih tling phakbakin kan inbel a, mite ngaihsan kan hlawh chuang silo. Mahni neih tling phak tawka inbel hi mawina leh mite ngaihsan hlawhna ani zawk.
Thalaite hi kawng lehlam a kan thlir chuan kan incheidanah (Kan huntawngin a zir bawk nen) kan mawh bik lo. Tirhkohte hunlai atang daih tawhin an lo buai tawh reng a ni. Amaherawhchu, kan incheidan hian kan Kristianna hi tibawrbanglo hram se. Tirhkoh Paulan Timothea hnenah Kristiante incheidan turah hetiang hian a duh dan a sawi a, “Thiltih thatin inchei sela ka duh” tiin. Paula ngaihdan (Thil tihthata inchei) hi eng hunah pawh a thing thei lova, fashion changkan tak taka inbel theilote tan pawh he incheina (Thil tihthat) nena kan inbel chuan kanin hmehin kan langmawi em em thin a, sum tamtak senral ngailo incheina sang tak leh tunlai tak (Thil tihthata inchei) hi i zir theuh ang u.
Lalpan malsawm rawhse. Amen.
Ziaktu: Pu Ramdinzaua (Tuingo)
Thulakna: Chanchin Tha
I Ngaihdan Leh I Comment Hnutchhiah Te Kan Ngai Pawimawh A Ni. EmoticonEmoticon