Nephilim (Mi Lian) Kan Tih Te Hi Tute Nge?

Nephilim Kan Tih Te Hi Tute Nge?

Nephilim kan tih mai te hi Hebrai tawng chuan Nefilim tih ani a, Tuilet hma ‘antediluvian’ hunlai a khawvel awptu te anni. Bible chuan ‘hmasang michak; mi hmingthang te’ tiin a sawi a. Mihring fanu te leh Pathian fapa te tiin sawi ani fo bawk. Nova hunlai mihring sualna nasa tak pawh kha Nephilim ho vang a lo punlun ta ni a ngaih ani.

`Nephillim’ kan tih mai hi awmzia tak ah chuan ‘rawn tla thla’ tihna ani a, an nunrawng in an chak em em a. English thu ziakmi ho hian ‘Giant’ tiin an let a, a thu awmzia a phawkchhuak lo ni a hriat anih vangin thenkhat chuan let lem lovin ‘Nephilim’ tiin an dah bawka, ‘Giant’ an tih nachhan ber ni a lang chu, Greek ho thuthlung hlui bu ah khan `Nephillim’ tih hi 'Gegantes' tiin an dah bawk a, saptawng nen a inkaihhnawih deuh zawk a an hriat vangin an ti ‘giant’ ve ta ngawt anih hmel. Mahse Modern Greek ho chuan “TITANS” an ti thung. Titans ho hi an sawi dan chuan, Pathian in mihring laka fa a neih te sawinan an hmang. Mihring angbawk pianphung chu pu mahse mihring te theih loh thil mak tak tak an ti thei thung.

Genesis 6:1-7 kan chhiar chuan sualna punlun chhoh vang a Pathian lungawilohna leh lei mihring te a hrem dawn zia kan hmu ang.

Pathian Fapa Te: Chiang takin tute nge Pathian fapa te hi sawi anni lova, chiang taka lang erawh chu mihring te zing ah Pathian faten fa annei tih hi ani (Gen 6: 2). Nephillim te hi Hybrid (Thlahpawlh ti mai teh ang) anni a, an chanchin bik zirna hi khawvel huap pawn thuang thum in a awm nghe nghe ani. Gen 4: 14 a kaina tlanbo thu kan hmu a, nupui a neih thu kan hmu a, Bible hian engvanga mihring dang lo awmve te chanchin hi chhui miah lo nge anih tih hi thilmak tak zawng ani ve hrim hrim.

Biblical References: Abraham a hunlai a lal panga te lo tibuai tu kha thenkhat chuan Nephilim an nih loh pawn nephilim fate lehchhawng Siddim (Dead Sea ) bul vel a khawsa, a hnua Canan mite nen a inneih pawlh ta te kha annih an ring bawk.Gen 14 leh Deut 2 a Rephaim tih hming kan hmuh te (‘Titans’, Rapha fate). Zuzim emaw Zamzummim (Sualna lal) tih te, Emim, Horites leh Anakim tih hming pute reng reng kha Nephilim thlah ziding vek anni a, Kanaan ram luahtu te pawh kha Nephilim thlahte anni a, an lendan tur chu Numbers 13: 33 ah khan a inziah kha. Kan chhiar zel chuan Rephaim ho chu an lian hlawm hle tih pawh a lang a, chu ti anih chuan Genesis a milian a tih Nephilim te pawh kha an ni thei tho mai.Anakima thlahte hi sawi leh lawk the ang, Anak a atang a lo piang niin Anaka hian a fapa emaw a tupa emaw milian tak mai anei a,a hming chu Arba ani a, Hebron a piang ani nghe nghe a, Hebron hi a hming diktak chu “ Kiriath Arba” tihna daih ani (kha ka hrilh fing leh ta sawt mai che u…he2) Arba hi Anakima thlah te ah chuan a ropui ber a, anni hi Kanaan ram a enthlatu ten an va hmuh te kha anni.

Milian te leh mihringte inbeihna thenkhat bih leh thuak thauk ila: Moses khan Og a that a, Og hi Rephaim lal ani a, Hermon tlang bul mai a Golan Heights ah an awm a, a liana wm hle ani amah hia khum ngawt pawh Cubit kua (Nine cubits) a ni a chuti anih chuan ft 13.5 – 15.5 vel a sang ani dawn tihna anih chu, ani hi Milian dam hnuhnung ber ni a hriat ani. Sap ho chuan ahming ‘Og’ tih atang hian thumal ‘Ogre’ tih hi a lo chhuak niin an ngai.

Joshua khan Hebron atang hian Anak a fa 3 te chu a umchhuak a, Caanan ram lam a hmelma te bei tura a kal leh hlan hian anni hi lokir leh in ro an rel leh a, Caleb a khan ahnu ah a that ta ani.

Davida leh Saula chanchin ah pawh khan Goliatha kan hmu a, Palestina ram Gath ah awmhmun an khuar kha ani a, Isaia 45:14 kha Milian chanchin Bible in a sawi hnuhnun ber ani mai thei ani, Sheba mi sang tak tak te ti in a rawn sawi lang leh a nih kha.

An Nihphung Ni A An Sawi Te: Mi pangngai let 2 emaw let 3 vel lai an ni a.Tuilet hma khan sualna ti punlun tu ber leh sual lam chi thehdarh tu an ni.Tuilet hnu ah Canaan ram mite nen an in thlahpawlh leh a.An kut leh ke zungtang mi pangngai aiin a tam (Paruk zel annei)Caanan mite ang lo tak in an thih dawn thleng pawhin Pathian lam an ngaihsak lo.
 

Nephilim ho chanchin hi European hovin Bible an chinphar vak vak era a, Bible a an telh tak loh Jubilees leh Book of Enoch ah khan a inziak kimchang hle a, tuna kan hmanlai ka sawisel na lam ni lovin, heng an paih tak tam tak te hi chu telh nise kan Bible vanga inhnialna tam tak hi kan pumpelh ngei ngei in ka ring thin.

 

Thulakna: John Hnamte (Hringmi)

• Twitter
• Facebook
• Google
• Tumblr
• Pinterest

Related Posts