 |
| Mizo Thawnthu (Darchhawna) |
Vawikhat chu Chemtatrawta hian luite tui ti chip chep hmunah hian chem a tat rawt rawt a. Chutih lai chuan a sazu chu tuiah a inchiah a, a tilte chu a phe hlep hlep reng a. Kaikuang hian a lo hmu fuh a, chutia a lalram chhunga samak danglam tak mai rawn tla lut ta chu mak a ti hle mai a. Eng sa nge a nih tih hriat tumin belhchian a tum ta a. A ralthuam famkim nena inthuamin tha tho zet hian a veh ta theuh theuh a. Fimkhur taka a veh a veh hnuin remchang tha tak mai a hmu ta hlauh va, Chemtatrawta inrin loh lai takin, an thlahtute atanga an lo chhawm tawh muzuk fei leh fei kibarte aia an hman rim thin a bawppui lian tak chu a kau tual tual a, Chemtatrawta tilah chuan a chep ta hlawk mai a. Chemtatrawta na ti chu a zuang tawr tawr a, a thinur chuan a bula khaum zamna rawpui chu a fik ta hmawk mai a, rawpui chang tha tak mah nise, Chemtatrawta chem hriam ang te chu la tawng ngai hek lo. Chemtatrawta hliam chu a tuar zo ta lo va, a awn ruah ruah a, khaum zamna rawpui ber a tluk dawn takah chuan khaum chu a hrilhhaiin a lung ni lo hle a, kutthlak tur remchang a melh ta vat a. Kut thak hnawihna tur chu ahmu nghal thuai a, a zamna rawpui a tluk ruai ruai rualin a bula ramar tla keu keu lei ngumah tak mai chuan a zu deng ta dawt a. Ramar na ti chu a zuang zawk a, a rak hlut bawka, a inring lo lai khaum rahin a nguma a rawn den tak dawt avang chuan a thinur hle a. A thinrim hrikthlakna tur zawng ve nghal ruai ruai a, reiloteah angam zawng tak Taivangho a hmu fuh ta hluah a. Taivang awmna bu a thai darh ta chiam a, taivang ho chu a ching phar ta lawp lawp mai a, an tap ta per pur hlawm a. Taivang ho thinur chuan kutthlak tur an zawng ve ta ruai ruai a, kar lovah Sanghal an hmu fuh ta hlauh va. Nghalbuala a inbual zo hlim, thlamuang taka a tla lai chu fimkhur takin an veh ta them them a, Sanghal tla tha lai hle hle chu a kapah tak mai chuan a seh sak ta hlawk a. Chu veleh sanghal na ti awm ngaihna hre lo chu aw raw chhuah meuhvin a tlan vir ta chung chung mai a. Sanghal thinur chuan a bul a changel a tai thlu ta bawrh bawrh a. Changelah chuan bak a lo awm chu niin, hrilhhai takin an ip chawih chawih a. Mahni lo maha sa zawng zawng zinga dawih ber nih nak a laiin an awmna chan gel a tluk tak duai duaiah chuan an thin a ur ve hel a. Tawmna tur nei ta hek lo le. Khaweng nise an zahin meng tha ngam lo chung chungin tawmna tur puk an zawn g ruai ruai a, meng leh meng lova bihrukna tur zawng ni miau hek le,. sai hnar chu pum emaw tiin sai hnarah chuan an thlawk lut ta a. Chutia sai hnara an thawlh luh takah chuan sai hnar chu a za ta hle mai a, sai chu a hnar a zat tak em avangin a phit ta dut dut a, a tlan kual ta chung chung mai a. Sai hnar za, thinrim bawk si tlan kual vel chuan pitarte in a chil chhe ta buan buan a. Pitarte thinr im tihngaihna hre lo chu a tap ta keuh keuh a, tuikhur hnarah a daileng ta ngawt a.!! Tuikhur hnara Pitarte a ek avang chuan an khua chu an vai buai ta a, an phun ta mur mur a. Mipuiho chu thinrim takin an ang vel chiam a, a e tu zawngin an vai buai ta luai luai a. Chuitia an zawn vel tak chiamah chuan pitarte ek nge i a ni tih an hre ta a. Mite chuan thinrim takin, Pitarte, engati nge tuikhur hnar a i ek, kan tui tlanlai i ti bawlhhlawh vek alawm? an ti a. Pitarte chuan inthi am lo leh inthlahrung ang reng rak si, thinrim tap hmaisen teuh chungin, Engah ng e saiin ka in a chil chhiat teh ei!! a ti bak hlar a. Mite chu sai hnenah chuan a rang a rangin an kal a, Engati nge saia, pitarte in i chil chhiat mai? an ti a. Sai chuan thiam in chantir hmel tak hian, Engah nge ka hnarah bak a luh teh reng, a lo ti a. Bak hnenah chuan an kal leh ta a, Ba ka, engatinge sai hnarah i thlawh luh mai? an ti leh a. Bak hrilhhai leh zak bawk si chuan, Engah nge sanghalin ka awmna changel a tai thluk, a ti thei hram a. San ghal hnenah chuan, Engatinge nghala, bak awmna changel i tai tluk mai le, an ti a. Sanghal chuan, hawi hru hru chungin, Engah nge ka kapah taivangin a seh teh ei, a ti ve leh ta a. Mite chu Taivang hnenah chuan an kal leh a, Engatinge taivang, sanghal ka pah i seh, an ti a. Taivang chuan, Engah nge, ramarin kan awmna bu a thai chhiat vei, an ti a. Ramar hnenah chuan, Engatinge ramar, taivang awmna bu i thai chhiat a, an ti ve leh a. Ramar chuan, Engah nge ka awm mai mai lai khaum in ka ngumah a den teh reng, a ti a. Khaum hnenah chuan, Engati nge, khaum ramar ngumah i den mai, anti leh a. Khaum chuan, Engah nge Chemtatrawtan ka zamna rawpui a sah chhum teh reng a ti ve leh a. Mite chuan, Chemtatrawt, engati nge, khaum zamna rawpui i sah thluk mai, a n ti a. Chemtatrawta chuan, Engati nge kaikuangin ka tilah a cheh teh ei, a bak hlur a. Kaikuang hnenah chuan, Engati nge kaikuang, Chemtatrawta tilah i seh, an ti leh a. Kaikuang te reuh chuan chhan ngaihna a hre ta lo va, Ih, Ih, Ih..., a ti nawi vel ta mai mai a. An han zawh nawn leh chuan, Ih, ih, ih.... meia min rawh leh ka sen vit vet ang a, tuia min thlak leh ka dang lip lep ang, a ti ta reuh a. Mite chuan kaikuang chu an man a, maiah an rawh a, a sen ta vit vet a, tuiah an han chiah leh a, a lo dang leh ta bim bem a. Tuia an thlak ve leh chuan, Nu leh pate vankhua chu nuam sing khaw, a ti a. A leu ta zek zek mai a. A zak the i lo reuh em mei man rawh u, an ti a. Chuveleh pukah a tlan lut a, a tawm ta ker mai a, puk chhunga a awm chu hnah thial kuangin an hawlh a, a hmui te chu an hawlh ner sak ta vek a. Tun thleng hian kaikuang hmui chu a la ner ta sung mai a ni . Kaikuang tihngaihna hre lo thinrim bawk si chuan, min hawlhna hnahthial kuang kha rai ping peng rawh se, a ti ta ngawt a. Tun thleng hian hnahthial chu a rai ta thin a ni.
1 comments:
Write commentschhiar ava har ve aw
ReplyI Ngaihdan Leh I Comment Hnutchhiah Te Kan Ngai Pawimawh A Ni. EmoticonEmoticon