Laltheri hi sailo Lal, Lalsavunga fanu a ni a, a unau te chu, Vanhnuailiana, Lalphunga, Thawmvunga te an ni. Laltheri hming than em em na chu, hnamchawm pathlawi Chalthanga nen an in ngaihzawn thuhla vang hi a ni awm e. A pa Lalsavunga a lo thih khan a nuta te ho chu an indang hlawm a, Laltheri erawh chu anu nen in pui ber an nghak a.
Laltheri (Lalchawngpuii) hi nula hmeltha hmingthang lutuk nilemlo mahse, a hleitling a, a taksa pian a nalh-in a tituai a mawi hle a. Chu mai bakah nula inngaitlawm leh mi khawngaihna ngah tak hmeichhia anih avangin mite ngainat a hlawlh hle a ni. Nimahse, Sailo la hmingthang Lalsavunga fanu duat a nih avangin tlangval nazawngin an be ngam ngai meuh lo a ni. Chutih mek laiin Laltheri chuan an khuaa hnamchawm pathlawi Chalthanga chu a ngaizawng ta tlat mai a. Chung hun lai chuan Sailo lal nulate chu hnamchawm tan ngaihzawn emaw, neih ve emaw chu thil thianglo tluka ngaih a ni a. Mahni lu zuar ang hialin an lo ngai thin. Chumi a nih laiin, Laltheri chuan Chalthanga chu a ngaizawng tlat mai si a, hmuh dan kawng remchang a dap reng a, Chalthanga feh kal tur te hi kawt chhuahah a lo chang a, alo din khawtlai pui ta fo mai a. Nakinah chuan Laltheri leh Chalthanga chanchin chuan mite ti-ti a ti tam ta deuh a. Laltheri nuta te beng a lo thleng a, an mit hial a lo kham tan ta a.
Laltheri hnenah chuan hnamchawm Chalthanga chu ngaizawng tawh lo tur leh a fala be tawh lo turin an hrilh a. Nimahse, ‘zan a thim poh leh meichher eng a fiah,’ an tih ang maiin an khap nasat poh leh Chalthanga zun ngaih chu a zual sauh sauh mai si a. Laltheri nuÈ›a te chuan Laltheri hnenah, “Tuna i kawngzawh mek hi kan chhungkaw tan thil mualpho thlak tawpkhawk a ni, duhtawk teh khai,” tia an hrilh ngial pawhin Chalthanga chu a thlah hleithei tawh si lo va; Zu in dawn nikhua te hian Chalthanga chu an hmuh hma loh a zawn tir thin a, a tel lovin engmah a ei-in duh ta lo va. Chalthanga tello chuan a tleithei lo a ni ber mai. Laltheri vangin a nuta Vanhnuailiana te ho chu an zak ngawih ngawih a. Nimahse boruak thianghlim lo a thlen mai loh nan an inbeng dai hram hram a. Chalthanga leh an farnu inhlat theih dan kawng an dap reng a. Achangin Chalthanga chu thahah te an vau a, a changin khua atanga hnawhchhuah ah te an vau bawk a. Chutihlai chuan Chalthanga chuan Laltheri a ruk tak chuan duh hle mahse, a ngaizawng tha ngam ve lo reng reng a, inthiarfihlim san a tum hram hram zawk a ni. Mahse Laltheri chuan danrual lohvin a pan zel mai si a, Chalthanga tan pawh inven sen a theih ta bik lo va, an chesual a, Laltheri chuan Chalthanga fa hial a lo pai ta a, reilo teah a tlangthang ta hluai mai a ni.
Chu chanchin zet chuan Laltheri nutate ngeng a chhun hle mai a, ”Sailo chingkim, ni leh thla kara piang kan ni a, hetiang pawih hnamchawm mai maiin min pawlh dalin, mintlawm tur a ni lo, amah Chalthanga chu kan va satsawm vek tur lah ni, hetia min tih mai mai ni,” an ti a. Anngaihtuah chianga chu em chu, thiltih mi niin an hre lo deuh a, Chalthanga te chhung chu an hnawt chhuak ta a ni. Mahse hnawhchhuah rikngawt chu an farnu nen engtikah emaw anla intawng leh ang tih an hlau leh deuh a ni mahna, a upa te a umzui tir ta a. Lungpawnah an va umphak a, Vanhnuailiana upate chuan,”Chalthang lo ding lawk teh u, Laltherin a hmu duh che,” an ti a, zu an khawn a, chutihlai tak chuan hreipuiin Chalthanga chu an chekhlum ta a ni.
Laltherin a nutate thiltih dan a hriat chuan a rilru a na hle mai a, a thi lo chauh a ni. A rilru na lutuk chuan a thi awrh lai tamtham tak mai, chung hun laia an thilngaihhlut em em, sial tam tak man thi chu thingbulah a vaw darh chuai chuai mai a. Chu mai duhtawk lovin a puan sin lai zawng zawng a hlip vek a, Saruak ngalngatin Sailo nula chhuanvawr chu khawlai ah a tlan vel ta ruai ruai mai a ni. Thlasik khawvawh vanglai ber te hian thawmhnaw inbel lovin khawlai ah a riak thin a, a nu mangang lutuk chuan,” Lalpui, hei tal hi sin rawh,’tiin puan leh Artui chhum sa kengin a um hlawk hlawk thin a. “Ka nu, ka nemte puan ka chawi lo vang, ka di Thangdanga zalna mah chhim lei tual dai ah,” a tih san mai thin a, a nu chu a mangang tak zet a ni. “Hmangaih lungduh Chaltuaia fam ni chuan, Sailo ngurpui hraichawi Laltheri thinlai chhawl ang uai zo e. Silhpuan chawi lai a nuam zo lo, ramdai bel e chhunrawl lovin,“.
Laltheri chu an khaw mipui te pawhin an khawngaih em em mai a, tam tak chuan an tahpui hawm hawm mai thin. An lal te roreldan chu rapthlak an ti lutuk a. Pitar upa tawh tak pakhat phei chuan “Hetiang reng a ro an rel zawngin an lalna hi Ni in a la tlakpui ngei ang,” a ti hial a. Chung thute chu Laltheri nuta Lalphunga te beng a lo thleng ve zel a. An ngai haw ngam lo reng reng a, huata hnekin an hlauthawng ru viau a, an thiltih chu an inchhir tak zet zet a ni. Vanhnuailianate unauho chu an inko khawm a, ”Eng kan ti nge, hetia kan tih tak mai ni, tun hnuah thleng leh ngai tawh suhse!! Tin, kan khuate aia han innghahna tur mi dang reng kan nei lo,” an ti hial ta mai.
Laltheri chuan fapa a rawn hring ta a. Phuba lak a tum ngang mai a, a fapa chu, ”Taite, i pa thattu chu ka hria a nia, pang damin han tlangval la,i pa thattu ngei chu i that ve dawn a nia,” tiin a fuih sauh sauh va; mahse, a fapa hi puitling lovin a thi ta a ni. Laltheri vang hian Sailo lalte hian an inngaihsanna lungpui chu an rawt hniam a, mi thenkhat chunga an rorel dan hleihluak khuarkhurum pawh an chhilhkhat bawk a ni.
Laltheri (Lalchawngpuii) hi nula hmeltha hmingthang lutuk nilemlo mahse, a hleitling a, a taksa pian a nalh-in a tituai a mawi hle a. Chu mai bakah nula inngaitlawm leh mi khawngaihna ngah tak hmeichhia anih avangin mite ngainat a hlawlh hle a ni. Nimahse, Sailo la hmingthang Lalsavunga fanu duat a nih avangin tlangval nazawngin an be ngam ngai meuh lo a ni. Chutih mek laiin Laltheri chuan an khuaa hnamchawm pathlawi Chalthanga chu a ngaizawng ta tlat mai a. Chung hun lai chuan Sailo lal nulate chu hnamchawm tan ngaihzawn emaw, neih ve emaw chu thil thianglo tluka ngaih a ni a. Mahni lu zuar ang hialin an lo ngai thin. Chumi a nih laiin, Laltheri chuan Chalthanga chu a ngaizawng tlat mai si a, hmuh dan kawng remchang a dap reng a, Chalthanga feh kal tur te hi kawt chhuahah a lo chang a, alo din khawtlai pui ta fo mai a. Nakinah chuan Laltheri leh Chalthanga chanchin chuan mite ti-ti a ti tam ta deuh a. Laltheri nuta te beng a lo thleng a, an mit hial a lo kham tan ta a.
Laltheri hnenah chuan hnamchawm Chalthanga chu ngaizawng tawh lo tur leh a fala be tawh lo turin an hrilh a. Nimahse, ‘zan a thim poh leh meichher eng a fiah,’ an tih ang maiin an khap nasat poh leh Chalthanga zun ngaih chu a zual sauh sauh mai si a. Laltheri nuÈ›a te chuan Laltheri hnenah, “Tuna i kawngzawh mek hi kan chhungkaw tan thil mualpho thlak tawpkhawk a ni, duhtawk teh khai,” tia an hrilh ngial pawhin Chalthanga chu a thlah hleithei tawh si lo va; Zu in dawn nikhua te hian Chalthanga chu an hmuh hma loh a zawn tir thin a, a tel lovin engmah a ei-in duh ta lo va. Chalthanga tello chuan a tleithei lo a ni ber mai. Laltheri vangin a nuta Vanhnuailiana te ho chu an zak ngawih ngawih a. Nimahse boruak thianghlim lo a thlen mai loh nan an inbeng dai hram hram a. Chalthanga leh an farnu inhlat theih dan kawng an dap reng a. Achangin Chalthanga chu thahah te an vau a, a changin khua atanga hnawhchhuah ah te an vau bawk a. Chutihlai chuan Chalthanga chuan Laltheri a ruk tak chuan duh hle mahse, a ngaizawng tha ngam ve lo reng reng a, inthiarfihlim san a tum hram hram zawk a ni. Mahse Laltheri chuan danrual lohvin a pan zel mai si a, Chalthanga tan pawh inven sen a theih ta bik lo va, an chesual a, Laltheri chuan Chalthanga fa hial a lo pai ta a, reilo teah a tlangthang ta hluai mai a ni.
Chu chanchin zet chuan Laltheri nutate ngeng a chhun hle mai a, ”Sailo chingkim, ni leh thla kara piang kan ni a, hetiang pawih hnamchawm mai maiin min pawlh dalin, mintlawm tur a ni lo, amah Chalthanga chu kan va satsawm vek tur lah ni, hetia min tih mai mai ni,” an ti a. Anngaihtuah chianga chu em chu, thiltih mi niin an hre lo deuh a, Chalthanga te chhung chu an hnawt chhuak ta a ni. Mahse hnawhchhuah rikngawt chu an farnu nen engtikah emaw anla intawng leh ang tih an hlau leh deuh a ni mahna, a upa te a umzui tir ta a. Lungpawnah an va umphak a, Vanhnuailiana upate chuan,”Chalthang lo ding lawk teh u, Laltherin a hmu duh che,” an ti a, zu an khawn a, chutihlai tak chuan hreipuiin Chalthanga chu an chekhlum ta a ni.
Laltherin a nutate thiltih dan a hriat chuan a rilru a na hle mai a, a thi lo chauh a ni. A rilru na lutuk chuan a thi awrh lai tamtham tak mai, chung hun laia an thilngaihhlut em em, sial tam tak man thi chu thingbulah a vaw darh chuai chuai mai a. Chu mai duhtawk lovin a puan sin lai zawng zawng a hlip vek a, Saruak ngalngatin Sailo nula chhuanvawr chu khawlai ah a tlan vel ta ruai ruai mai a ni. Thlasik khawvawh vanglai ber te hian thawmhnaw inbel lovin khawlai ah a riak thin a, a nu mangang lutuk chuan,” Lalpui, hei tal hi sin rawh,’tiin puan leh Artui chhum sa kengin a um hlawk hlawk thin a. “Ka nu, ka nemte puan ka chawi lo vang, ka di Thangdanga zalna mah chhim lei tual dai ah,” a tih san mai thin a, a nu chu a mangang tak zet a ni. “Hmangaih lungduh Chaltuaia fam ni chuan, Sailo ngurpui hraichawi Laltheri thinlai chhawl ang uai zo e. Silhpuan chawi lai a nuam zo lo, ramdai bel e chhunrawl lovin,“.
Laltheri chu an khaw mipui te pawhin an khawngaih em em mai a, tam tak chuan an tahpui hawm hawm mai thin. An lal te roreldan chu rapthlak an ti lutuk a. Pitar upa tawh tak pakhat phei chuan “Hetiang reng a ro an rel zawngin an lalna hi Ni in a la tlakpui ngei ang,” a ti hial a. Chung thute chu Laltheri nuta Lalphunga te beng a lo thleng ve zel a. An ngai haw ngam lo reng reng a, huata hnekin an hlauthawng ru viau a, an thiltih chu an inchhir tak zet zet a ni. Vanhnuailianate unauho chu an inko khawm a, ”Eng kan ti nge, hetia kan tih tak mai ni, tun hnuah thleng leh ngai tawh suhse!! Tin, kan khuate aia han innghahna tur mi dang reng kan nei lo,” an ti hial ta mai.
Laltheri chuan fapa a rawn hring ta a. Phuba lak a tum ngang mai a, a fapa chu, ”Taite, i pa thattu chu ka hria a nia, pang damin han tlangval la,i pa thattu ngei chu i that ve dawn a nia,” tiin a fuih sauh sauh va; mahse, a fapa hi puitling lovin a thi ta a ni. Laltheri vang hian Sailo lalte hian an inngaihsanna lungpui chu an rawt hniam a, mi thenkhat chunga an rorel dan hleihluak khuarkhurum pawh an chhilhkhat bawk a ni.
1 comments:
Write commentsKa chiar thiem lo e ah
ReplyI Ngaihdan Leh I Comment Hnutchhiah Te Kan Ngai Pawimawh A Ni. EmoticonEmoticon